Zarautzen libre geratu den mediku lanpostua betetzeko euskara jakitea ez da beharrezkoa izango

UEMA, Zarauzko Udala, Zarauzko Euskal Herrian Euskaraz, LAB Urola Kosta, Zarauzko AEK eta Zarauzko Ikastolak desadostasuna adierazi diote Osakidetzari. Bi izan dira ezinegona sortu duten arrazoiak. Zarauzko osasun zentroko mediku bat jubilatu ostean, Osakidetzaren euskara planak jasotzen duenaren aurka, lanpostu horri ez zaio euskara ikasteko derrigortasun-datarik jarri. Ondorioz, lanpostua betetzeko euskararen ezagutza egiaztatzea ez da beharrezkoa izango. Eta hori gutxi ez balitz, baja hartu duen emaginaren ordez, erdalduna ekarri dute.
Irakurri osorik »

Orioko Udalak “Euskaraz bizi-bizi” jardunaldia antolatu du, azaroan

Orioko Udaleko Euskara batzordeak 'Euskaraz bizi-bizi' jardunaldia antolatu du azaroan, herritarren kontzientzia linguistikoan eragiteko egitasmoaren barruan. Udalak bi urte daramatza 'Euskaraz bizi-bizi' egitasmoa bultzatzen, honako helburu nagusiarekin: oriotarren kontzientzia linguistikoan eragitea, euskaraz bizitzeko aukera egin dezaten. Ahalegin horren barruan, jardunaldia antolatu du bigarrengoz (2011n egin zen lehenbizikoa) eta hainbat hitzaldi eta mahai-inguru izango dira azaroan.
Irakurri osorik »

EHEk antolatuta “Euskararen normalizazio prozesuaren geroaz” mahai-inguru interesgarria

EHEk 35 urte beteko ditu, ofizialki, heldu den azaroaren 4an. Egun horretan, Durangoko San Agustin Kulturgunean, 19:00etan, mahai beraren bueltan batuko dituzte Euskararen gizarte erakundeen Kontseiluko Idazkari Nagusi Paul Bilbao, Udalerri Euskaldunen Mankomunitateko (UEMA) Maren Belastegi eta Gotzon Barandiaran kulturgilea. Inaki Petxarroman Berriako kazetariak gidatuko du saioa.
Irakurri osorik »

Belastegi: “Berastegiko udalaren aurkako eraso hau UEMAren aurkako ere bada”

Berastegiko Udalak UEMAn sartzeko hartutako erabakiari helegitea jarri dio Estatuak EAEn duen ordezkariak. Berastegiko alkatearekin batera hedabideen aurrera agertu dira UEMAren Zuzendaritza Batzordeko hainbat kide. UEMAk, bat eginda, babestu du Berastegiko Udala.
Irakurri osorik »
Itzuli gora
Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.