Arnasgune prekarioak: Orioren adibidea

Jabier Zabaleta euskara teknikariak, oro har, arnasguneen bikaeraren inguruan, eta zehazki, Orioko bilakaera soziolingusitikoari buruz idatzi du Karkararen webgunean. “Orio Euskal Herriko herri euskaldunenetakoa da eta herritarrek ahalegin handia egin dute, urtetan, euskararen egoera hobetzeko. Ahalegin horri esker asko aurreratu dugun arren, euskararen egoera oso prekarioa da oraindik, bilakaera soziolinguistikoaren datuek erakusten digutenez.”
Irakurri osorik »

Urkijok helegiteak jarri arren aktak euskaraz bidaltzen jarraituko du UEMAk

Batzar Nagusia egin du UEMAk, Zumaian. Espainiako Gobernuaren ordezkariak hainbat udalen aurka jarritako helegiteak izan dituzte hizpide. UEMAko ordezkari politikoek aho batez Urkijoren oztopoen gainetik euskararen sustapenean aurrera egiteko konpromisoa hartu dute. Horrela, Zerain UEMAko kide izatea onartu dute, baita aktak euskaraz bidaltzen jarraitu eta epaitegietan jarduera hori defendatzea ere.
Irakurri osorik »

Euskararen arnasguneak babestu eta indartuko dituen arkitektura juridiko berri baten beharra aztertuko dute

Gipuzkoako Foru Aldundiak, UEMAk, Kontseiluak eta UEUk “Hizkuntza eta Lurraldea. Erronkak & Tresnak” jardunaldia antolatu dute. Iaz egindako topaketetan hirigintza proiektuek hizkuntzarengan duen eragina frogatu zen, eta aurten, pauso bat aurrera eman eta euskararen arnasguneak babestea ez ezik, bihotz-gune ezinbesteko horiek zabaltzea ere helburu duten ekimenei aterki juridikoa emateko oinarriak aztertu nahi dituzte. Topaketak otsailaren 5 eta 6an egingo dira, Donostian, UPV/EHUren Carlos Santamaria zentroan. Matrikula doan da. Izena emateko: www.ueu.eus
Irakurri osorik »

UEMAko beste zazpi udalek jaso dute helegitea aktak euskaraz bidaltzeagatik

Duela hilabete Aduna, Arama, Altzaga, Antzuola, Bergara eta Itsasondoko udalak aktak euskaraz bidaltzeagatik helegiteak jaso zituztelako kezka agertu eta horren salaketa egin zuen UEMAk. Orain, Carlos Urkijok Amezketa, Beizama, Elgeta, Gaintza, Oiartzun, Oñati eta Usurbilgo udalak ere auzitara eramango dituela jakin dugu. Gainera, Berastegiko udalarekin egin bezala, Zeraingo Udalak UEMAn sartzeko hartutako erabakiaren aurkako helegitea ere jarri du Espainiako Gobernuaren ordezkariak.
Irakurri osorik »
Itzuli gora
Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.