Itzulia euskaraz egin dadin eskatu du UEMAk

Atzo hasita, Euskal Herriko itzuliak hainbat udalerri euskaldun zeharkatuko ditu. Udalerri horien errealitate soziolinguistikoa kontutan hartu eta errespetatzeko eskatu du UEMAK. Euskal Herriko itzuliko antolatzaileekin harremanetan jarrita, UEMAko herrietan jarriko diren idatzizko euskarriak zein ahoz egingo diren adierazpenak euskaraz egiteko eskatu die Mankomunitateak.
Irakurri osorik »

Euskararen Kontseiluak euskararen aurkako erasoak salatzeko egindako deialdiarekin bat egin du UEMAK

Carlos Urkijo Espainiako Gobernuaren Ordezkariak hainbat udalei, Gipuzkoako Foru Aldundiri eta UEMAri egindako ohartarazpenen ondotik etorri da protestarako deialdia. Mankomunitatearen iritziz, garrantzitsua da erasoei bat eginda erantzutea, eta datorren asteazkenean, hainbat herritan egingo diren kontzentrazioetan parte hartzeko dei egin die udal ordezkari eta herritarrei.
Irakurri osorik »

Euskararen aurkako erasoei bat eginda erantzuteko deia egin dute Azpeitiko Udalak eta UEMAk

Carlos Urkijoren ohartarazpenak direla eta, Udalerri Euskaldunen Mankomunitateak babes osoa adierazi dio Azpeitiko Udalari, antzeko egoeran aurkitzen diren udal guztiei eta Gipuzkoako Foru Aldundiari. Bide batez, “euskararen normalizaziorako egiten ari garen lanean” jarraitzeko deia egin du Maren Belastegi UEMAko lehendakariak.
Irakurri osorik »

Errenta aitorpena euskaraz

UEMAk, Mankomunitateko kide diren udalekin elkarlanean, errenta aitorpena euskaraz egiteko kanpaina jarri du abian. 2014an, Mankomunitatetik harago doa elkarlana, Bizkaiko Foru Aldundiak eta Gernika-Lumo, Ordizia, Lazkao, Villabona, Zizurkil eta Ibarrako udalek ere parte hartuko dute. Kanpainaren bitartez, herritarrek administrazioarekin dituzten harremanak euskarazkoak izan daitezen bultzatu nahi da.
Irakurri osorik »
Itzuli gora
Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.