UEMAk eta Berria Taldeak euskarazko hedabideen zabalkundean eragiteko eta Berria berria ezagutzera emateko kanpaina egingo dute

Maren Belastegi, UEMAko lehendakaria eta Iban Arregi Berria Taldeko kontseilari ordezkaria egin dute kanpainaren aurkezpena Azpeitiko Sanagustin Kulturgunean. Irakurle berriak erakartzeko eta euskararen normalizazioan eragiteko kanpaina UEMAko udalerri guztietara zabalduko da, eta maiatzaren 31tik aurrera argitaratuko den BERRIA berria doan jasoko dute, eskatzen dutenek, ekainaren 3tik 15era.
Irakurri osorik »

Merkataritza eta ostalaritzan euskararen erabilera areagotzeko egitasmoa jarri dute abian, Oiartzunen

Ttur-ttur Euskaltzaleon Bilgunea eta Oiartzungo Udalaren arteko hitzarmenari esker egingo da kanpaina. Merkatari eta ostalariak euren zerbitzua euskaraz ematera animatu nahi dituzte, eta herritarrei ere dei egin diete laguntza emateko. Berriki, establezimenduetan zerbitzua euskaratzeko eskura dituzten doako zerbitzu eta materialen berri eman diete merkatari eta ostalariei, gutun bidez.
Irakurri osorik »

Mugak hausten

Atzo hasita, Lasarte-Oriako Manuel Lekuona Kultur Etxean Udaltop Soziolinguistika jardunaldia burutzen ari dira bi egunez. Herri erakundeen barruan euskararen erabilera zabaldu, eta, aldi berean, trinkotzeko eratzen diren planen berrikuntzan murgildu dira parte hartzaileak. Gaurko saioan, Imanol Haro, UEMAko euskara teknikariak, hizkuntza politikaren mugak, UEMAk udalen euskalduntzean egindako lana eta etorkizunerako erronkak izan ditu hizpide.
Irakurri osorik »

Munduko udalerri euskaldunenak ezagutu eta arnasguneez ikasteko ekarpen interesgarria egin du Tribuaren Berbak saioak

Lea Artibai da Euskal Herriko eskualderik euskaldunena. 5.000 biztanletik gora dituzten herrien artean berriz, Azpeitian erabiltzen da gehien euskara. Telebistako saioak, herri euskaldunetan euskararen erabilerari dagokion argazkia jaso du. Eta arnasguneen inguruan egindako azterketa guztiek erakutsi duten moduan, ikusi da euskararen arnasguneetan atzeraldia gertatzen ari dela. Maren Belastegi, UEMAko lehendakariak, arnasguneak sendotzeko hizkuntza politika aurrerakoiak bultzatu beharra azpimarratu du.
Irakurri osorik »
Itzuli gora
Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.